FAQ

1. මෙම වැඩසටහන කාන්තාවන්ට සහභාගී විය හැකිද?  බැහැ. මෙය හුදෙක් භික්ෂු පැවදි පුහුණු වැඩසටහනකි.

2. හිස මුඩු කිරීම අනිවාර්යද?  ඔව්. විනායානුකුලව පැවදි කිරීම සිදුකෙරේ.

3. භාරකාරත්වයේ අවසරය අවශ්‍යද?  ඔව්. ඊට අමතරව, ග්‍රාමසේවක සහතිකය, වෛද්‍ය සහතිකය සහ රැකියාවක නිරත වේ නම්, නිවාඩු අනුමත සහතිකය ඉදිරිපත් කලයුතුය. මෙම ලිපි ලේඛන පැවදි වන දවසේ දී අවශ්‍යය වේ. සම්මුඛ පරීක්ෂණයට අවශ්‍යය නොවේ.

4. දින 15 පසු, කැමතිනම් කෙනෙකුට දීර්ඝව ශාසනයේ පැවදි බව තුල රැඳී සිටිය හැකිද?  ඔව්. ඒ සඳහා අවශ්‍යය පසුබිම සකසා දෙනු ලැබේ.

5. එක් වැඩසටහනකට බඳවා ගන්නා පිරිස?  15 දෙනයි. (සම්මුඛපරීක්ෂණයෙදී 15 දෙනාට වඩා සුදුසුකම් ලැබුණහොත්, ඉදිරියෙදී පැවැත්වෙන පුහුණුව වැඩසටහන් හරහා සම්බන්ධ කරවීම සිදුවේ.)

 6. දින 15 වැඩසටහන අතරතුර දුරකථන පරිහරණය කලහැකිද?  සම්පුර්ණයෙන් තහනම්.

7. සම්මුඛපරීක්ෂණය ට රැගෙන ආයුතු දේ මොනවද?  ඔබේ ජාතික හැඳුනුම් පත්‍රය ප්‍රමාණවත්.

8. සම්මුඛපරීක්ෂණයෙදී පරීක්ෂාවට ලක්කරන්නේ කුමක්ද?  ඔබේ ශාරීරික සහ මානසික යෝග්‍යතාවය යි.

9. මෙම පුහුණුව සඳහා යම් වියදමක් දැරීමට සිදුවනවාද? ඔව්. දින 15 ක පුහුණුව සඳහා ඔබේ පරිහරණයට අවශ්‍යය සිවුරු පිරිකර ආදී භාණ්ඩ ලැයුස්තුව සඳහා වියදම ඔබ විසින් දැරිය යුතුයි! ඒ හැර වෙනත් අය කිරීමක් නැත. තවද, දින 15 සඳහා අවශ්‍ය දානය, ගිලන්පස සහ අනෙකුත් අවශ්‍ය දෑ ආරණ්‍යය විසින් සපයනු ලැබේ.

10. මෙම වැඩසටහන හා සම්බන්ධ වීමට වයස් සීමාවක් තිබේද?  ඔව්. අවු 18ත් - 60ත් අතර විය යුතුය.

11. විවාහක අයට සහභාගී විය හැකිද?  ඔව්. භාරකාරත්වයේ කැමැත්ත මත.

12. තාවකාලික පැවදි පුහුණු වැඩසටහන ථෙරවාද බුදුසසුනේ ධර්ම විනයට අනුකුලද?   එමෙන්ම, පුහුණුවෙන් පසු පැවදි බවෙන් ඉවත්වීම අකුසලයක්ද?

විනය පිටකයේ මහාවග‍්ගපාළියේ මහාක‍්ඛන්‍ධකයේ සඳහන් වන පරිදි පැවදි අපේක්ෂකත්වය ප්‍රව්‍රජ්‍යාපේක්‍ෂකයන් ද උපසම්පදාපේක්‍ෂකයන් සිදුකළ හැකියි. ප්‍රව්‍රජ්‍යාපේක්‍ෂකයන් දසසීලයෙන්ද, උපසම්පදාපේක්‍ෂකයන් උපසම්පදා සීල්යෙන්ද අධිෂ්ඨාන කොට පැවදි කිරීමත්, උපසම්පදාපේක්‍ෂකතත්වයට පත්වීමේදී ප්‍රව්‍රජ්‍යාපේක්‍ෂකත්වය උදුරවා උපසම්පදාපේක්‍ෂකතත්වයට පත්වීම තුලම, ප්‍රව්‍රජ්‍යාපේක්‍ෂකත්වය තාවකාලික බව කිව යුතුය.

එමෙන්ම, පැවදි බව තුල ක්‍රියාත්මක වීමට හෝ ඉන් බැහැර වීමට නිදහස බුදුසසුන තුල ඉදිරිපත් වී ඇති හෙයින්, අකුසලයක් සිදුනොවන බව කිව යුතුය.

එමෙන්ම, සුත්තපිටකයේ ඛුද්දකනිකායේ අපදානපාළියේ පණ්ණදායකවග්ගයේ සත්තාහ පබ්බජිත ථෙරාපදානය තුලත් පැවිදිව සතියක් එහි ඇළුනේව විසීමේ ආනිසංස දක්වා ඇත.

තවද, වර්ෂ 1927 දී රචිත ශ්‍රීමත් අනගාරික ධර්මපාලතුමාගේ "ජාතික පනත" නමැති පොතෙහි 162 වෙනි වගන්තියෙහි මෙලස, තාවකාලික පැවදි පුහුණුව සම්බන්ධයෙන් එතුමා සඳහන් කොට ඇත; "තාවකාලික මහණදම් පිරීමේ ක්‍රමයක් ලංකා වෙහිද ඇති කිරීමට කාලය පැමිණ තිබෙන බව සලකනු."

එමෙන්ම වර්ෂ 1984 දී ප්‍රකාශිත රිචර්ඩ් ගොම්රිච් විසින් "Temporary Ordination in Sri Lanka" නමින් රචිත ශාස්ත්‍රීය සඟරාව තුල ද ශ්‍රී ලංකාවේ එකල ක්‍රියාත්මක වූ තාවකාලික පැවදි පුහුණු වැඩසටහන් පිළිබඳව ශාස්ත්‍රීය විචාරයද කියවීම වටී.

මීට අමතරව මෙම වැඩසටහන පිළිබඳව සම්පුර්ණ දැනුවත්කිරීමක් සම්මුඛ පරීක්ෂණයට පැමිණෙන අවස්ථාවේ දී සිදුකෙරේ.